Comments on: Gestabók

By: Pálína Magnúsdóttir

Pálína Magnúsdóttir — Wed, 04 May 2016 00:34:16 +0000

Ég kynntist Oddi ekki mikið, en á því láni að fagna að þekkja systkini hans, eiginkonu og dætur að öllu góðu. Þau halda minningu hans verðskuldað á lofti og ég efa ekki að hann hefur verið mætur maður, sem því miður við misstum úr okkar samfélagi allt of snemma. Blessuð sé minning góðs manns.

By: Ragna Kristín

Ragna Kristín — Thu, 08 May 2014 13:37:20 +0000

Já Loftur minn það hafa ófá tár fallið við að lesa það sem skrifað er, rifja upp, skoða myndirnar og lifa upp gömul atvik bæði gleðileg og sár. Hugsaðu þér hvað við getum verið þakklát fyrir allar góðu minningarnar. Sáru minningarnar fylgdu því miður með, en við réðum engu um þær og fáum engu breytt. Við höldum bara áfram og varðveitum það góða.
Það er dásamlegt að Sigurrós hefur nú svo sannarlega komið minningum um Odd á einn tiltækan stað til varðveislu.

By: Loftur Þór Pétursson

Loftur Þór Pétursson — Wed, 07 May 2014 21:51:59 +0000

Kannske er ég örlítið viðkvæmur þessa dagana, en ég held ég verði að hætta að skoða myndirnar. Allar þessar minningar sem hrannast upp ! Allt sem hefði getað orðið og átti svo sannarlega að verða. Allt óréttlætið sem fylgir því að missa heilsuna á bezta aldri. Sjá allar þessar myndir; af mömmu og pabba og systkinum mínum (auk annarra), þær kalla svo sannarlega fram minningar. Og þegar maður hugsar um hvernig bróðir Oddur var og þegar maður hugsar um hin systkinin, þá finnur maður hversu heppinn maður er að hafa fæðst inní þennan hóp. Einhvern veginn er það þannig, að þrátt fyrir að það hafi ekki alltaf verið eilíft sólskin á æskuheimili okkar, þá var okkur eðlislægt að bera virðingu fyrir ákveðnum hlutum og þá fyrst og fremst fyrir okkur sjálfum og svo afa og ömmu á Heiði, fyrir öllum ættingjum okkar, bæði frá Heiði og einnig frá Geldingalæk og ekki sízt fyrir foreldrum okkar og þá sérstaklega fyrir mömmu. Pabbi var auðvitað afskaplega góður maður, en hann átti við sín vandamál að etja og það var stundum erfitt að umbera það. En mamma var kletturinn og kjölfestan sem við þurftum á að halda. Og stóri bróðir var fyrirmyndin okkar allra. Hann gat allt. Og hvað við litum upp til hans !

By: Lilja Björk Guðmundsdóttir

Lilja Björk Guðmundsdóttir — Mon, 05 May 2014 09:45:48 +0000

Mikið er þetta fallegt hjá þér elsku Sigurrós mín. Sniðug hugmynd!

By: Dóra Gunnars

Dóra Gunnars — Mon, 05 May 2014 07:08:54 +0000

Yndisleg sída Sigurrós. Til hamingju med hana.

By: John W Sim

John W Sim — Mon, 05 May 2014 00:37:47 +0000

Dear Girls, Gudbjorg and Sigurros, Your father would be so proud of both of you if he were here today. This tribute that you put together about your father, Sigurros, is really wonderful, it shows your father in happy times which is good we all remember. What it does not tell is how he and your dear mother Ragna accepted me and allowed me to be a part of my Icelandic family when I was dating your aunt Ingunn. Both he and your mother always encouraged me and treated me with respect, even as an “utlandingur” which I so greatly appreciated. Oddur and I had a strong friendship even though I could never beat him at chess or fishing for that matter! I know Ingunn adored him and looked up to him as her “big brother” and she too was so proud of him. You have much to be grateful for because of your father, he was a great man, a gentleman and most of all a friend. Thank you for taking such time to honor your father. Love to all, John.

By: Jóhanna

Jóhanna — Sun, 04 May 2014 22:01:33 +0000

Elsku Sigurrós,
til hamingju með daginn ykkar, og mikið er frábært að renna í gegnum þessa síðu!

By: Stefa

Stefa — Sun, 04 May 2014 21:46:19 +0000

Elsku Sigurrós, Ragna og Guðbjörg!

Minning Odds lifir svo sannarlega í minningunni og ykkar minningar sem þið hafið birt svona fúslega, sýna svo innilega hve samheldin fjölskyldan er. Þó ég hafi ekki oft hitt Odd, þá var dásamlegt að finna hve stór partur hann var af fjölskyldunni, þrátt fyrir mikil veikindi og takmarkaða getu til að taka þátt í fjölskyldulífinu.

Mikið samgleðst ég ykkur að eiga þessa fallegu síðu til að safna saman enn fleiri minningum, myndum og hlýjum kveðjum.

*Knús*
Stefa

By: Einar Péturson

Einar Péturson — Sun, 04 May 2014 21:22:50 +0000

Frábær bróðir sem var mér mín aðalfyrirmynd á mínum uppvaxtarárum og er enn. Ég er með tárin í augunum eftir yfirferð þessara minninga. Takk elsku frænka!

By: Jóhann Marel

Jóhann Marel — Sun, 04 May 2014 21:20:59 +0000

Flott síða um flottan mann sem að ég þekkti ekki neitt en tel mig hafa kynnst smávegis hérna. Til hamingju með pabba þinn.